For studentar og forskarar

IKA Hordaland ivaretek kring 13 000 hyllemeter papir stilt tett inntil kvarandre. Frå nyare tid også store mengder data frå sak- arkiv- og fagsystem.

Desse arkiva inneheld systematiserte opplysingar om det kommunale Hordaland frå 1837 og fram til i dag.

Arkiva innheld dokumentasjon og opplysingar frå alle kommunale sektorar, som til dømes administrasjon, bygg/teknisk, sosiale tenester, barnevern, pleie og omsorg, landbruk, politikk og mykje meir.

Opplysingar i arkiva kan vera releventa for mange forskingsfelt, men særleg innanfor historie, juss, administrasjon, helse, statistikk, offentlegheit, forvalting med fleire.

Digitalarkivet og Arkivportalen - døgnopen lesesal

IKA Hordaland publiserer arkiv som er relevant for studentar og forskarar på Digitalarkivet.no. Alle arkiv er ikkje digitaliserte enno, men det publiserast forløpande ettersom det blir skanna.

På same måte publiserer vi arkivkatalogane våre på Arkivportalen.no. Der finn ein oversyn over alle arkiv vi ivaretek, og ein kan søkje innsyn i arkiv som ein ikkje finn publisert på Digitalarkivet.

Sjå oversyn over alle våre arkivkatalogar og digitalisert materiale.

Søk om innsyn

Ein kan søke om innsyn i arkivkjelder som er låst eller ikkje enno digitalisert.

Forskarinnsyn

Forskarar kan ha rett på innsyn i teiepliktige oppysingar, såkalla forskarinnsyn jf. forvaltingslova §13 d. For å søke om forskarinnsyn i kommunale arkivkjelder lyt ein rette søknad til departementet som er ansvarleg for gjeldande fagområde.

Normalt vil ein måtte minst ha mastargrad eller vera masterstudent under rettleiing av ein person i vatskapleg stilling for å ha rett på forskarinnsyn. Les meir i rettleiaren til Arkivverket.

IKA Hordaland har ikkje mynde til til å handsame søknadar om forskarinnsyn:

«Kommunane og fylkeskommunane kan ikkje avgjera søknader om forskarinnsyn i teiepliktige opplysningar. Slike saker må avgjerast av dei respektive departementa eller organa som har kompetanse etter særlov.» (NOU 2019: 9/Del 5/20.2 Gjeldende rett)